A) GAIAREN KOKAPENA
Telebistan, gaur egun, hainbat iragarki aurki ditzakegu Lactobacillusa edo
Bifidobakterioa daramaten jogurtek heste-flora eta hesteetako trantsituan
laguntzen dutela baieztatzen dutenak. Horren adibide Activia jogurtak dira.
Bere iragarkietatik horrelako esaldiak atera daitezke: Activiak ongizate digestiboa hobetzen du puztuta egotearen sentsazioa
murriztuz edota Askatu zaitez
esloganarekin abesti bat eginez. Har
ezazu Bifidus Actiregularis duen Activia jogurta 14 egunetan zehar eta aldaketa
nabarituko duzu edo Activiak soilik dauka actiregularis
hartzigarria, trantsitua erregulatzen laguntzen duena. Beste batzuetan,
berriz, Activia jogurtak guztiontzat onak direla baieztatzen dute honelako
esaldiekin: Activia denontzat da ona edo Activia
hartzea ohitura osasungarria da. Horregatik da ona familia osoarentzat.
Beste herrialde batzuetan , noski, produktu bera ere aurkezten da. Laburbilduz,
guztiek diote gauza bera (1, 2, 3):
- Jogurtaren efektuak 14 egunetan sentitzen dira
- Activia ona da guztiontzat
- Activiak Bifidus Regularisa dauka eta horrek laguntzen du hesteetako trantsituaren erregulazioan
- Ez zara puztuta sentituko
Aldaketa guzti hauek, beraz, jogurretan (eta esnean ere) dauden bakterio
zehatz batzuen ondoriozkoak dira. Baina, horietan zentratu baino lehen
bakterioei buruzko zenbait gauza jakitea beharrezkoak dira.
B) BAKTERIOAK
a) Bakterioen
datu orokorrak
Bakterioak organismo prokariotoak dira, nukleogabeko zelulabakarrez
osatutako izakiak. Zelula prokariotoak oso sinpleak dira. Ez dute nukleo
zehazturik ezta mintzez inguraturiko organulurik. Bere material genetikoa ADN
aske, borobila eta bakarra da eta ez dago kromosomarik. Zitoplasman erribosomak
dituzte, proteinak sintetizatzen dituztenak. Kanpoaldean flageloak eta finbriak
dituzte, zelula finkatu eta mugitzen laguntzeko. Baina, haien sinpletasuna ez
da oztopo lurreko leku guztiak kolonizatu eta bertako organismo ugarienak baitira
kopuruari dagokionez. Gainera, ezinbestekoak dira lurrean bizi diren organismo
eukariotoen iraupenerako. Izan ere, hain
sinpleak izanda ere, gainontzeko gizaki, landare, animali eta abarrek ezingo
lirateke horiek gabe bizi. (4)
b) Bakterioen
aurkikuntza
Anton Van Leewenhoe zientzialari herbeheretarrak aurkitu zituen lehenbiziko
bakterioak 1683an. Berak asmatu zuen lehen mikroskopio modernoa eta horri esker
deskribatu ahal izan zituen lehen aldiz bakterioak. (4)
Baina, bakterioez hitz egiten ari garela beti etortzen zaigu Pasteur
burura, bera izan baitzen mikrobiologiaren aita.
Louis Pasteur kimiko eta bakteriologo frantsesa izan zen, 1822an jaio zen
eta 1895ean hildakoa. Bere bizitzan zehar Pasteurrek postu garrantzitsu ugari
bete zituen Unibertsitate eta Instituzio desberdinetan. Baina, batez ere,
zientzian egindako ekarpenengatik da ezaguna.
Pasteurrek, beste gauza askoren artean, Pasteurizazioa asmatu zuen. Horrek,
beroaren bidez mikrobioak hiltzean zetzan elikagaietan bigarren efekturik izan
gabe. Gainera, frogatu zuen ez zegoela berezko bizitzarik eta mikroorganismoak
airetik zetozela. (5)
c) Bakterioen
jatorria
Garai hartan, oraindik ez zekiten bakterioei buruzko gehiegirik. Gaur egun,
ordea, euren jatorriari buruzko datu batzuk ditugu.
Ez dago guztiz argi zein den bakterioen jatorria, baina zientzialari
askoren ustetan, orain dela 3000 milioi urte arkeobakterio eta eubakterioen
arbaso komuna bizi zen (termofilo anaerobio bat), lurreko garai hartako
baldintza bortitzetara moldatua zegoena. Horietatik sortu ziren duela 2500
milioi urte Eubakteria eta Arkeobakterioak. Azkenik, duela 1500 milioi urte
gaur egun ezagutzen ditugun Eubakterioak sortu ziren, eubakterioetan jatorria
zutenak.
Beraz, askok diote pro-eukarioto (eukariotoen arbasoa) eta eubakterio baten
arteko harreman sinbiontikoaren ondorioz sortu zirela gaur egungo bakterioak.
(4)
d) Bakterioen
kokalekua
Bakterioak dira lurrean dauden organismorik ugarienak. Edonon aurki daitezke,
bai lurzoruan, uretan, airean eta baita beste izaki bizidun batzuen barruan
ere.
Bakterioen ezaugarri berezienetako bat gainontzeko izaki bizidunak jasan
ezin ditzaketen inguruetara egokitu daitezkeela da. Habitat latzenetan ere bizi
daitezke. Adibidez: 0ºC-tik beherako tenperaturak edota 100ºC-tik gorakoak
jasan ditzakete eta itsasoan 5000 metrotik behera bizi daitezke, izugarrizko
presiopean. PH=1eko habitat azidoei eutsi eta urik gabeko tokietan ere bizi
daitezke. (4)
e) Bakterioen
bizi - funtzioak
i. Ugalketa funtzioak
Bakterioak ugalketa asexualez (erdibiketa eta zatiketa bakuna) ugaltzen
dira. ADNa bikoiztu egiten da eta zelula trenkada baten bitartez sortzen diren
bi indibiduo berri bakoitzera doa kopia bakoitza. Baina badaude sexualitate-era
oso primitiboak diren material genetikoaren truke motak ere, goi mailako
izakietan egoten dena. Parasexualitate mota horiek hauexek dira:
·
Konjugazioa:
Pili edo ile zuntz baten bitartez sortutako elkarte zubi baten bidez ematen dio
batak besteari material genetikoa.
·
Transdukzioa:
Birus bakteriofago baten bitartez egiten da. Honek, aurretik beste bakterio
batek infektatua, ugaltzerakoan bere barnean darama bakterio horren materia
genetikoaren zati bat eta beste batean sartzen du hori infektatzean.
·
Transformazioa:
Bakterio batek ingurunetik zuzenenan hartzen du ADNa. (25)
ii. Nutrizio funtzioak
Nutrizio autotrofoa, kimiosintetikoa nahiz fotosintetikoa eta nutrizio
heterotrofoa daude. Azken hau, era desberdinetan egiten dituzte; parasitoak
(gaixotasunak sorrarazten dizkieten beste izaki bizidun batzuen materia
organiko erabiltzen dute), saprofitoak (deskonposatzen duten materia organiko
hila erabiltzen dute) eta sinbionteak (elkarri on egiten diete). (25)
iii. Erlazio funtzioak
Kinadak hartzeko gai dira flageloen mugimendu zein endosporen bitartez.
(25)
f) Bakterioen
sailkapena
Bakterio mota asko daude, eta horregatik taldeetan banatzen dira,
antolatuak izateko. Hauek sailkatzeko modu bat baino gehiago daude: itxuraren
arabera, oxigeno beharraren arabera edota ekologiaren arabera.
i.
Itxuraren
arabera
Bakteioak, egituraren arabera, lau motatan sailka genitzake. Alde batetik,
baziloak (luzangak) aurki ditzakegu. Bestetik, kokoak (borobilak), espiriloak
(kiribilak) eta bibrioak (kakotx itxurakoak) daude. Itxura eta gram positiboak
edo negatiboak diren kontuan hartuta sailkapen hau egin genezake:
·
Bazilo Gram
positiboak: Bacillus, Clostridium, Corynebacterium, Listeria, Lactobacillus, Bifidobacterium. Azken bi hauek dira guri
interesatzen zaizkigunak praktikak burutzeko.
·
Bazilo Gram negatibo anaerobio fakultatiboak: Escherichia, Citrobacter, Enterobacter, Klebsiella, Proteus, Salmonella, Shigella, Serratia, Yersinia, Vibrio.
·
Beste batzuk: Campylobacter, Helicobacter, Bdellovibrio, Mycoplasma, Streptomyces, Rickettsia, Chlamydia. (4)
ii.
Oxigeno
beharraren arabera:
Bakterio guztiek
ez dute oxigenorik behar bizi eta euren papera betetzeko. Horregatik, bakterio
aerobioak (bizitzeko oxigenoa behar dutenak) eta anaerobioak (oxigeno beharrik
ez dutenak) aurki ditzakegu. Azken talde honen barruan badaude O2
presentzia jasan ezin dutenak (anaerobio hertsiak) eta tolerantzia dutenak
(anaerobio fakultatiboak). (29)
iii.
Betetzen
duten paper ekologikoaren arabera
Honen arabera, onuragarriak edo patogenoak izan daitezke bakterioak.
Espezie gehienak, bizitza librekoak dira, baina beste batzuk organismoen
gainean bizi dira, haientzat patogeno bihurtuz. Hori parasitoek toxinak sortu
eta bildukiek erreakzio inmunologikoak sortzen dituztelako gertatzen da. Hala
ere, bakterio asko onuragarriak dira zenbait arrazoirengatik. Horietako bat
ekosistemetan duten eginkizunagatik da: eraldatzaileek materia organikoa
eraldatuz laguntzen dute; deskonposatzaileek, hondar organikoak substantzia
inorganikoetan deskonposatzen berriro erabiliak izan daitezen; eta, ekoizleek,
materia organikoa sortu eta oxigenoa askatuz egiten dute lan. Gainera,
organismo sinbionte gisa ere funtzionatzen dute. Hauek belarjaleek izaten dira
eta eurek deskonposa ezin ditzaketen substantziak (zelulosa edo lignina
esaterako) liseritzen dituzte hestean. Azkenik, modu naturalean egiten diren
substantzien ekoizletzat ere jardun dezakete. Gizakiak bere onerako erabiltzen
dituenak dira horiek (hartziduran sortzen direnak adibidez). (30)
C) AZIDO LAKTIKOAREN BAKTERIOAK
Azido laktikoaren bakterioak organismo mugiezinak dira, forma baziliko edo
esferikokoak. Lactobacillus eta Streptococcus generoek osatzen dute talde hau.
Bakterio hauek karbohidrato hartziduraren bidez ATPa sintetizatzen dute eta
produktu legez azido laktikoa ematen dute. Hortk dator, hain zuzen, bere izena.
Guztiak dira anaerobio fakultatiboak eta airearekin kontaktuan dauden
gainazal solidoetan hazten dira errazen. Katalasa negatiboak dira eta proba hori
bakterio mota hauek identifikatzeko oso egokia da. Izan ere, hauek dira
katalasa egon ez arren hazi daitezkeen bakarrak.
Sintetizatzeko kapazitate oso txikia daukate eta horregatik sortzen diren
koloniak txikiak izaten dira. Nutrizio oso konplexua behar dute eta hori dela
eta ateratzen dute peptona, txantadura edo beste animalia eta landare material
hidrolizatzaileak dituzten inguruetan hazten direnak. Hauei, hartzitu
daitezkeen karbohidratoak gehitu behar zaizkie, energia izan dezaten.
Azido laktikoaren bakterioak oso txikiak (milimetro gutxi batzuetako
diametroa dute) eta igeltsu txuri kolorekoak dira.
Espezie batzuek kolonia handiak sortu ditzakete, sakarosa duten hazkuntza
ingurunetan haztekotan. Ondorioz, polisakaridoen sintesia masiboki izango da.
Bakterio gehienak pH=6 baino gutxiagoko ingurunetan ezin daitezke bizi.
Azido laktikoaren bakterioak, ordea, hazten jarraitzen dute glukosa, laktosa
edo beste monosakaridoen hartziduraren bidez pH-a 5 edo gutxiagora jaitsiz.
Hauek, ingurune azidoetara egokitzeko kapazitatea dute, eta, ondorioz, inguruan
dauden beste bakterio batzuk hiltzeko aukera ematen du, normalean patogenoak
direnak. Azido laktikoaren bakterioek duten aktibitate metabolikoak sortzen
duen azido laktikoak egiten du horiek hiltzea. (11, 30)
Euren espezializazio fisiologikoaren ondorioz zenbait ingurune natural
berezietara mugatuta daude. Batzuk landareen kontura bizi dira, haiek hil eta
deskonposatzean askatzen dituzten nutrienteez elikatzen baitira. Landareen
materialetatik prestatutako elikagai eta edarietan ere badaude. Batzuetan,
hasieratik zeuden azukreen hartzidura gertatzen da. Hartzitutako edarietan,
berriz, azido laktikoaren bakterioak hondatze agenteak dira, batzuetan hazi eta
nahi ez dugun azidotasuna sortzen dutenak. Beste askok gorputzeko flora osatzen
dute. Asko daude nasofaringean, baginan eta hesteetan. Beste ohiko habitata
esnea da, bai behi edo landare materialen bidez ailegatzen direnak bertara.
Azido laktikoen karbohidratoen hartziduraren inguruan esan genezake 1920a
inguru, S.Orla Jensenek azido laktikoko bakterioen sailkapen bat egin zuela.
Alde batetik, homohartzidurazkoak daude, glukosa azido laktikoan bihurtzen
dutenak. Bestetik, ordea, heterohartzidurazkoak, azido laktikoa etanol eta
karbono dioxidoan bihurtzen dutenak glukosa. Bakoitza zein den jakiteko karbono
dioxido produkzioa detektatu baino ez da egin behar. Bigarren hauek prestaketa
berezi bat behar dute: azukre askoko hazkuntzan hazi eta tapoi batekin itxi
behar dira, sortutako karbono dioxidoa harrapatzeko. Hartzidura prozesu honek
izugarrizko garrantzia dauka industri-prozesu, gaztagintza eta jogurtgintzan,
besteak beste.(27, 30)
D) LACTOBACILLUSA
a) Lactobacillusen
datu orokorrak
Lactobacillus generoa, Döderlein's bacillus ere deitua, gure organismorako
onuragarria diren (heste florako birsorkuntzan laguntzen du) azido laktikoaren
bakterioak dira. Hauek ez dira mugitzen, filamentuetan biltzen dira eta ez dute
esporarik sortzen. Lactobacillus mota mordoa daude. (6, 7, 8)
Janari eskakizun zorrotzak dituztenez, hazkuntza-inguru
aberatsak erabiltzen dira laborategian hazteko. Horien artean MRS agarra.
Gainera, esan beharra dago lactobacillus askok haien genoma deszifratuta dutela
jada.
b) Lactobacillusen
ezaugarriak
Honako ezaugarri
biokimikoak dituzte Lactobacillusek:
- Anaerobio fakultatiboak: Mota honetako organismoek ATPa sortzen dute arnasketa aerobikoaren bidez oxigenoa ageri bada, baina hartziduraren bidez ere garatu daitezke oxigeno presentzia eza dagoenean. (9, 10)
- Gram positiboa: honek esan nahi du bere zelula horma nahiko lodia dela, eta, beraz, Gram tindaketa egitean, tindatzailea erraztasun handiagoz atxikituko zaiola.
- Katalasa (-): ur oxigenatuaren presentziarekin burbuilak agertzen dira, bakterio anaerobioak direlakoaren seinale.
- Oxidasa (-): ez da kolore urdina aterako, zitokromorik ez duelaren seinale.
- Glukosaren hartzidura eragiten dute: Honen ondorioz, azido laktikoa sortzen da eta, beraz, lactobacillusek ingurunearen pH-a jaisten dute, ingurune azidoa sortuz. Bakterio genero hauek oso erresistenteak dira pH azidoarekiko. Hori dela eta, gai dira pH-a oso baxua izanda ere (adibidez: jogurtean) bizirauteko. Prozesu horri hartzidura laktikoa deritzo.
- Askok ez dute burdinaren beharrik bizi ahal izateko (hori egin dezaketen izaki bakarrak dira).
- Hidroxido peroxido kontzentrazio altuak onar ditzakete. (6, 7, 8)
c) Lactobacillusen bizilekua
Lactobacillus
batzuk saprofitoak dira eta beste batzuk komentsalak. Azken hauek giza organismoetan
aurkitu daitezke (ahoan, hesteetan, gernu sisteman edo baginan) eta ez dute
inolako kalterik eragiten, gehienak ez baitira patogenoak, onuragarriak baizik
eta askotan ezinbestekoak ere. Hortzetan, ordea, txantxarrak eragin eta
garatzearekin izan dira lotuak, batzuk txarrak direlakoaren froga. Gizakiez
gain, animali gorputzetan ere aurkitu daitezke. (6, 7, 8)
d) Lactobacillusen erabilera industriala
Esnekien
industrian Lactobacillus espeziea erabiltzen da jogurta eta hartzituriko beste
produktu batzuen hazkuntzan. Lactobacillus
helveticus, Lactobacillus bulgaricus,
Lactobacillus casei eta Lactobacillus acidophilus dira bakterio
erabilienak. Jogurtari dagokionez, bere heltze prozesuan Streptococcus thermophilus eta Lactobacillus
bulgaricus mikrobioek hartzen dute parte. Askotan, azken honen ordez Lactobacillus casei erabiltzen da.
Horrez
gain, edateko jogurt askok osagarri dietetiko bezala erabiltzen dute.
Baina ez
esnekietan bakarrik, lactobacillusek, orokorrean, hainbat elikagairen
produkzioan erabiltzen dira: chucrut, ozpinetako luzzokerra, ardoa, garagardoa,
sagardoa, kimchi, kakaoa eta fermentaturiko beste zenbait elikagai. Horrez
gain, animali elikagaien produkzioan ere erabiltzen dira. Garagardoan,
adibidez, L.casei eta L.brevis dira gehien erabiltzen direnak
eta hauek pHa jaisten dute azido laktikoa sortu eta neutralizatzeko. (8)
e) Probiotikoak eta bioterapeutikoak
Lactobacillus, Stresptococuss espezie batzuk eta beste bakterio batzuek azido laktiko propietate terapeutikoak dituzte. Hala nola, inflamazioen aurkakoa edota minbiziaren aurkakoa. 2009an Beth Israel Deaconess Medical Centerek eta UCLA ak egindako ikerketa batean frogatu zen, hain zuzen, Lactobacillus mota batzuek tumore eta minbiziaren aurkako efektuak zituztela. Dietaren bidezko administrazioak minbizia edukitzeko arriskua gutxitu eta tumoreak edukitzeko aukera, euren bolumena eta anizkoiztasun aukera ezabatzen zituen saguetan. Praktiketan ikusi zen ADN abduktorearen sorkuntza jaitsi zela, ADNa hobetu eta minbizi-sortzaile kimikoek hesteetan sortzen dituzten lesioetarako prestatzen zuen. (4)
Lactobacillusa
baginako ekosistema bezalako oreka psikologikoa konpontzeko ere erabili
daiteke. Beren funtzioa hemen baginaren epitelioa fisikoki babestea da
patogenoen aurkako pareta sortuz eta horrela psikologikoki baginaren
ekosistemaren oreka mantenduz, pHa 4,5 delarik, eta patogenoen aurkako
hidrogeno peroxidoa sortuz. Lactobacillusa pH baxuetara egokitzen denez,
baginako ekosistema gram-negatiboak edo gram-positiboak diren bakterioetatik
babestu dezake. (4)
f) Lactobacillusa medikuntzan
Lactobacillusa idorreria tratatu eta saihesteko erabiltzen da, baita
bidaiarien idorreria edo umeen idorreria, larriagoak direnak eta infekzioa
handiagoa zor ditzaketenak. Antibiotikoekin loturiko idorreria saihestu eta
tratatzeko ere erabiltzen da.
Pertsona batzuek lactobacillusa digestio arazo orokorretarako erabiltzen
dute: Crohnen gaixotasuna, kolikoak umeetan, Bowelen syndrome narritagarria
(IBS) eta nectotizing enterocolitikoa (NEC) behar baino lehen jaiotako umeetan.
Horrez gain, Helicobacter pylori
bakterioak, ultzerak sortzen dituena, sortutako infekzioen aurka erabiltzen da
eta baita gernu sistemako edo baginako infekzioen aurka, gripea nagusietan
saihesteko eta umeetan, arnasketa arazoak saihesteko. Lactobacillusa azaleko
arazoen aurka ere erabiltzen da, akne edo sukar baba hobetzeko besteak beste.
(28)
Kolesterol altua, laktosa intolerantzia, Lymeren gaixotasuna, Hives eta
sistema inmunologikoa estimulatzeko erabiltzen da baita ere.
Emakumeek batzuetan bagina infekzioak eta gernu sistemako infekzioak (UTIs)
tratatzeko erabiltzen dute.
Honen guztiaren inguruan ikerketak egin dira, benetan efektiboak diren edo
ez frogatzeko. Natural Medicines Comprenhensive Databasesen arabera, birusek
umeengan sortzen duten diarrearen aurka
oso posiblea da efektiboa izatea, baina ez da gauza bera gertatzen nagusien
diarrean edota beste arrazoi batzuengatik sortutakoetan, hauek batzuetan
bakarrik sendatzen baitira. Gauza bera gertatzen da umeen kolikoetan, bowelen
infekzioan edota biriki infekzioetan.
Badaude beste hainbat infekzio non oraindik ez diren lactobacillusen
efektuak frogatu. (28)
E) BIFIDUSA
a) Bifidusen datu orokorrak
Bifidobacterium anaerobioak eta mugiezinak diren bakterio genero bat da. Bifidusa
propietate dietetikoak dituen baziloa da eta umetan ditugun horiek gure
gorputza hasi eta garatzen den heinean galtzen dira.
Bifidusa esnekiekin erlazionatua izan da beti. Baina, garrantzitsua da
jakitea, duela gutxi modan jarri den arren, betidanik existitu izan den
bakterioa dela, oraintsu bere onurak aurkitu direnak. (13)
Bifidusak, nagusiki esnekietan aurki ditzakegu. Izan ere, produktu horien
hartziduran sortzen baitira. Gazta eta jogurta dira bifidus gehien dituzten
esnekiak. Gaur egun, elikagai eta marka askok gehitzen dizkiete bifidusak euren
produktuei ekartzen omen duten onurarengatik.
b) Bifidusen ezaugarriak
Bifidusak gure hesteetako osasunerako onak dira. Oraindik jaio berritan,
amaren bularretik esnea hartzen dugunean, gure organismoek bifidus
kontzentrazio handia daukate. Baina, nagusiak egiten goazen heinean horiek
galtzen goaz eta horregatik bifidusa duten elikagaiak hartzea komenigarria da.
Bifidusaren ezaugarri garrantzitsuenetakoa hesteetako funtzionamendua eta
osasun egokia mantentzea da. Gorputzeko atal honetan hartzen ditugun elikagaiak
prozesatu eta asimilatzen dira, beraz, bakterio txarrek organismo osoan kalteak
eragin lituzkete. Eta, horretan lagunduko digute bifidusek hain zuzen, larrialdietan
bakterio patogenoen aurka borrokan. (13)
Beste alde batetik, hesteetako floraren mantenimenduaz arduratzen dira.
Horiek nutrienteen asimilazio hobea ekarriko dute eta baita hondakinen
ezabaketa, osasuntsu mantentzen. Bitamina eta nutrientean asimilazio egokia
izatea eragin eta laktosa digeritzen lagunduko digun entzima ere sortuko du. Horrez
gain, beste bakterioetatik (onddo eta birusak) babestuko gaituen substantzia
antibakterianikoak isurtzen ditu. Elikadura txarrak eragindako zenbait
erreakzioen aurka ere lagun diezaguke. Eta baita digestio aparatuaren
transtornoak edota gaixotasun kronikoak ekiditu. (13)
Bifidus gabeziak ondoez orokorra ekarriko digula esana da eta neke,
digestio txar eta gaixotasun birikoak hartzeko erraztasuna ere. Hala nola:
gripea. Horregatik ezinbestekoa da bakterio hau duten elikagaiak hartzea gure
heste flora hobetu, aberastu eta osasuna mantentzeko. (13)
c) Bifidoen aldaketa gizakiaren garapenarekin
Amaren bularretik esnea hartzen duten umeek naturalki dituzte
bifidobakterioak euren gorputzetan . Umetan, hesteak esterilak daude eta ez
dute bakterio hauen laguntzarik. Amaren esneak, orduan, haien garapena eragiten
du beren gorputza agente patogenoena aurka inmunizatuz.
Adinarekin, ordea, lactobacillusen presentzia gorputzean askoz urriagoa da
hesteetako konposizio aldaketengatik eta horrela birus, bakterio eta onddoen
hazkuntza erraztuz. Horrek gaixotasunak ekar ditzake eta horregatik diote
ezinbestekoa dela Bifidus aktiboa hartzea gehigarri modura.
d) Bifidoen sailkapena
Lau motatako bifidobakterioak daude. Alde batetik, B.longum aurki dezakegu. Honek urdailean tumoreak sortzea ekiditzen
du eta kolon edota bularretako minbizia agertzea ekiditzen du. Besteik,
B.bifidum, B.infantis eta B.breve ditugu. Hiru hauek B bitamina sortzen dute
(hori gabe arteriak gogortzeko probabilitateak igo eta arterioesklerosia izango
genuke). (13)
Bakterio guzti hauen azterketa
ezin dugu begi hutsez egin eta horregatik zenbait teknika behar ditugu lehenik
eta behin bakterioak hazi eta gero aztertzeko.
F) MIKROBIOLOGIAREN TEKNIKAK
Mikroorganismoen
tamaina txikiagatik ezinezkoa da indibiduo bakoitza aztertzea eta, hori dela
eta, izakiak ez dira banan banan aztertzen baizik eta populazioak (koloniak)
hazkuntza ingurune jakin batean. Ingurune honetan indibiduo mota bakarra hazten
bada hazkuntza ingurune purua deritzo eta, aldiz, mota asko hazten badira,
mistoa.
Beraz, esan
genezake bi teknika nagusi bereizten direla mikrobiologian. Alde batetik,
isolamendua dago (mikroorganismo bat ingurunetik hartu eta besteetatik
baztertzea ondoren bere hazkuntza egiteko) eta bestetik, ondoren etorriko
litzatekeen mikroorganismoaren garapena, laborategi baten baldintzapean. Azken
urteotan, gainera, izakiez gain animali eta landare ehunekin lan egiten ere
hasi da. (31)
a) Esterilizazioa
Mikroorganismoak
non nahi daudela jakina da eta, horregatik, hauen isolamendua egin eta gero
hazkuntza ingurunea guztiz estirilizatu eta, azkenik, ereintza egiten da.
Esterilizazioa mikroorganismoen hazkuntzan tresnek ezinbestean jaso behar duten
tratamendua da non inguruko mikroorganismoak ezabatzen diren. Hori horrela,
ingurua antzua deritzogu. Esterilizatzeko zenbait metodo daude:
i. Metodo fisikoen bidezko esterilizazioa
Beroa da gehien erabiltzen den eragile hilgarria. Hau
metodo fisikoa da. Beroak, mikroorganismo gehienetan dauka eragina. Honek,
proteinen desnaturalizazioa dakar pareten desordena ekartzeaz gain. Bi bero
mota daude: Bero hezea eta bero lehorra. Lehenengo hori autoklabean egiten da.
Gehien erabiltzen den metodoa Chamberlandena da. Honen arabera, labean 120ºC tara izan behar da hazkuntza ingurunea
20-30 minutu inguru eta ur lurrunak atmoferakoa baino presio handiagoa eragiten
du. Bero lehorrak, aldiz, zelularen lehortzea dakar. Hemen ur lurrunak eragiten
du lehortzea eta esterilizatu beharreko objektua labean sartzen da 170ºCko
tenperaturan 40 minutuz. Horrez gain, izpi ultramoreak, gamma izpiak eta
ionizatzaileka erabiltzea ere posible da esterilizatzeko. (19)
ii.
Metodo kimikoen bidezko esterilizazioa
Hazkuntza
inguruneak egiteko erabiltzen diren zenbait substantzia ezegonkorrak dira
suaren aurrean eta ezin dira autoklabean sartu. Substantzia hauek metodo kimiko
bat beharrezkoa dute. Produktu bat baino gehiago erabili daiteke honetarako:
etileno oxidoa, aldehidoak, formaldehidoak, glutaraldehidoak, etab. Erabiliena
etileno oxidoa da. Baina, substantzia hau hain da arriskutsua (lehergarria,
toxiko eta sukoia da eta minbizia ere eragin dezake) non laborategi praktiketan
ez da erabiltzen, bai ordea industrian, Petri plakak edo antzeko produktuak
egiterako orduan.
iii.
Iragazpen bidezko esterilizazioa
Metodo hau
esterilizazioa behar duten soluzio termolabil eta emultsio oleotsuekin
erabiltzen da. Poroak bakterio edo beste zelula batzuk baino txikiagoak dira
eta, beraz, mikroorganismo horiek filtroan geratzen dira. Dena dela, soluzioak
birusik izanez gero hau ez litzateke filtratuko eta horregatik ez da guztiz
fidagarria metodoa. (19)
b) Hazkuntza
puruaren teknikak
Saiodi, matraze
eta petri plakak leku aproposak dira bakterioak hazteko, ez baitute leku
askorik behar horretarako. Hauek, esterilak izan behar dira eta kanpoko
kutsadura posible batetik babestuta egon. Kanpoko kutsadurarik garrantzitsuena
atmosfera da, beti mikroorganismoz beteta baitago. Hori ekiditeko zenbait
teknika erabiltzen dira. Petri plakek, esaterako, airea, baina ez
mikroorganismoak sartzen uzten duen estalki berezia dauka. Horrez gain, matraze
eta saiodiak ixteko kotoizko bola bat erabiltzen da, zetazko oihalez lotua. Horren
gainean, hala ere, aluminiozko papera ere jarri behar da. Bakterioen
manipulazioan gabiltzanean, hazkuntza inguruneak airearekin kontaktuan jarriz,
kutsadura gerta daiteke. Horregatik, manipulazio guztiak sutik gertu egin behar
dira, eta ontzien zabalguneak su garretatik pasatu. Noski, laborategian
erabiltzen ditugun gainontzeko tresnak ere sutik pasatu eta lanerako ingurua
garbi eta esterilizatuta ere egon behar da. (32)
Koloniak hazteko
mikroorganismoak lortzeko modurik errazena ereitea da. Mota desberdinetakoak
daude, baina, azken finean, guztiek dute helburu bera: eremu baterik organismo
bat hartu era hazkuntza ingurune batean ezartzea.
Ildo bidezko
ereitea da erabiliena. Honen bitartez, aurretik esterilizaturiko
ereintza-kirten baten laguntzaz aztertu nahi den tokian ildoak egiten dira,
igurtziz baina presio handiegirik egin gabe, agarrean kalterik ez eragiteko.
Beste metodo bat
isurketa bidezko ereitea izango litzateke. Honen bidez disoluzioak egiten dira,
eta plaketara pasatzean oraindik solido ez dagoenez, mikoorganismoak agarrean
hazi daitezke.
Baina,
bakterioak anaerobioak izatekotan, gure azido laktikoko bakterioen kasuan
bezala, beste metodo bat erabili behar da bakterioak airearen presentziarekin
hil egiten baitira. Hori dela eta, disoluzio eta eragile bidezko ereitea
erabiltzen dira. Horrela, koloniak agarraren barruan garatzen dira.
Plakan garatzen
diren koloniak, hala ere, mota desberdinetakoak izan daitezke eta ezin da
edozein hartu. Horregatik, ondo aztertu, interesatzen zaiguna hartu eta beste
hazkuntza ingurune batean ildo bidez haziko dugu, hazkuntza ingurune purua
lortuz. (18)
c) Hazkuntza inguruneak
Hazkuntza
inguruneak izaki mikroskopikoak garatu eta bizi ahal izateko prestatzen diren
ingurune artifizialak dira.Hauek astintze bidez eta ur distilatuan berotuz
prestatzen dira.
Hazkuntza
inguruneak petri plaka batean botatzen dira normalean mikroorganismoak
aztertzeko eta, horregatik, masak ondo disolbatuta eta uniformeki zabalduta
egon behar dira.
Disoluzioaren
pHa prestatu nahi den hazkuntza ingurunearen araberakoa da. Erabiltzen den
uraren kalitatea ere izan behar da kontuan, honek aldaketak eragin baititzake.
Hazkuntza
inguruneak egin eta berehala erabiltzea komeni da, baina hau ezinezkoa denez,
ingurune esteril batean gorde behar dira. Ingurune bakoitzak denbora desberdin
bat iraun dezake egoera onean hau zenbait faktoreren araberakoa baita,
ontziaren hermetikotasuna, kontserbazio tenperatura eta ingurugiroaren
baldintzak, besteak beste. Baldintza onak izanez gero, ingurunea 4 eta 6 aste
bitartean iraun lezake. Ingurune hotzetan gordetzea da komenigarria, baina
batzuetan deshidratazioa eragiten duenez askotan hobe da giro tenperaturan
gordetzea. Kondentsazioak ekiditea ezinbestekoa da, ur lurruna likido bihurtu
eta berriro ingurunera jaitsiz gero alterazioak eragin ditzakeelako.
Hazkuntza
inguruneak, erabilitako tresnak bezala, aztertu eta gero autoklabean sartu
behar dira berriro ere. (20, 27)
1.
MRS Hazkuntza ingurunea
M.R.S agarra
Man, Rogosa eta Sharpek asmatu zuten lactobacillus eta beste azido laktikoaren
bakterioak ikusi ahal izateko bai esneki eta beste elikagaietan ere.
Dituen glukosa,
manganeso, magnesio, gelatinazko peptonak eta okel erauzkinak bihurtzen dute
ingurunea aproposa edozein lactobacillus hazteko. Gainera, agarrarekin dago
hori nahastua trinkotasuna eman diezaion. Bestetik, amonio zitratoak Gram
negatiboak diren bakteria batzuek garapena inhibitzen du. PHa 6,4+/- 0,2koa da
baina, PHa 5,5+-0,1 era azidifikatuz gero esnekietan dauden Lactobacillusak
errazago haziko dira, bere gelifikazioa zildutko duen arren.
Prestatzen den
disoluzioaren kolorea horia da eta hau mantentzeko 2 eta 8 gradu bitarteko
inguruan mantendu behar da. Agarra petri plakan dagoelarik, %5eko anhidrido
karbonikoa duen ingurune batean utzi behar da 2-3 egunez 37ºC-tan. Sortzen
diren koloniak txikiak izan ohi dira, txuri-gris kolorekoak. (21)
Mikroorganismoak
|
Hazkuntza
|
Lactobacillus
fermentum
|
Ona
|
Lactobacillus
gasseri
|
Ona
|
2.
Agar nutritiboa
Agar arrunta,
salda nutritiboa ere deitua, oso ingurune bakuna da eta bertan edozein
mikroorganismo hazi daiteke. Bertan okel funtsa eta gelatina peptona daude
agarrarekin nahasturik, mikroorganismoen hazkuntza eragiten dutenak. Bere pHa
6,8+/- 0,2koa da. Hauts fina da, beige kolorekoa eta kolore horretako da gero
lortzen den disoluzioa ere. Behin petri plakan daukagula, 37ºC-ko ingurune
batean eduki behar da 24-48 orduz. (27)
3.
McConkey hazkuntza ingurunea
McConkey agarra
Gram negatiboak bereziki hazten laguntzen duen hazkuntza ingurunea da. Bertan,
lactosatik hartzitutakoak eta ez hartzitutakoak bereizten dira. Lehengoak
Estreptokoko fekalei esker gorri kolorea hartzen dute, eta txikiak dira.
Bigarrenak, ordea, kolonia koloregabeak dira. Agar honek bioleta kristalak
ditu, gram positiboak haztea inhibitzen duena.
Bere osagaiak
laktosa, peptona, gorri neutroa, gatz biliarrak, sodio kloruroa, bioleta
kristala, eta agarra dira. Gorri kolorekoa da pHa 7,1+/- 0,2koa da. Behin
eginda dagoela, 2 eta 30ºC arteko ingurunean mantendu behar da. Behin
bakterioak hazteko prestatuta dagoenenan, 37ºC-tan mantendu behar da 18-24
orduz. (22)
d)
Bakterioak bereizteko metodoak
Bakterioak bata
bestearengandik bereizteko metodo bat baino gehiago daude.
i.
Tindaketa bakuna: Metileno urdinaren tindaketa
Zaila izaten da bakterioak bereiztea, batez ere zelula eta bere inguruaren
arteko kontrastea oso nabarmena ez delako. Eta, horretarako erabiltzen dira
koloratzaileak. Tindaketa, beraz, mikroorganismoak tindatzean datza,
koloratzailea erabiliz. Gero, soberakoa garbitu egiten da.
Tindaketa
sinplea, edo metileno urdinaren bidezko tindaketan zelula guztiek xurgatzen
dute koloratzailea eta, ondorioz, guztiek kolore bera izango dute.
Metileno urdina
(Metiltionina kloruroa) metahemoglobinemia izeneko gaixotasuna tratatzeko
erabiltzen den koloratzeilea da. Operaketetan ere erabiltzen da gorputzeko
zenbait atal koloreztatzeko.
Metileno urdina
kristalak edo hautsak dira, berde ilun kolorekoak eta usaingabea. Soluzioan,
aldiz, kolore urdin oso gogorra dauka.
Metilenoak,
azken batean, bakterioaren zitoplasman dauden egiturak tindatzen ditu.
ii.
Tindaketa diferentziala: Gram tindaketa
Metodo hau Hans Christian Gram zientzialari daniarrak asmatu eta garatu
zuen 1884an. Honen bidez, bakterioak euren forma, kolore, morfologia eta Gram
kolorearengatik bereiztu daitezke. Bakterioak gram positiboz edo negatiboz
tindatu daitezke.
Gram positiboak (+) pareta oso lodia dute eta polipeptidoglukano kantitate
handia izateaz gain (horma zelularraren %90a izatera heldu daiteke geruza
bakarra den arren), azido teikoikoak ere badituzte. Espazio periplasmatikoa
(mintz plasmatikoa eta geruza bikoitza banatzen dituen zona) txikia da zelula
hauetan. Koloratzailea bota ondoren hartzen duten kolorea bioleta eta urdin
argiaren artekoa izango da. (28)
Gram negatiboetan, aldiz, horma zenbait geruzek osatutakoa da. Horieta ko
bat polipeptidoglukanoz osatuta dago eta hormaren %10a osatzen du. eta hau
lipopolisakaridoen bidez kanpoko beste pareta bati dago lotuta. (28)
Metodo honetan zenbait koloratzaile erabiltzen dira. Lehenengo bioleta
kristala metanolarekin botatzen zaio laginari, kolorea emateko. Gero, lugola,
aurrekoa finkatzeko. Ondoren, alkohol azetona batzuk deskolokatzeko eta,
azkenik, sufranina. Orduan, guk deskolokatutakoak ikusiko ditugu soilik arrosaz,
gram negatiboak. (23)
iii.
Katalasaren froga
Proba hau katalasa entzima bakterioetan dagoen edo ez ikusteko egiten da.
Katalasa bakterio aerobikoek duten entzima da. Frogak hidrogeno peroxidoa ur
eta oxigenoan deskonposatzean datza. Horretarako laginari ur oxigenatua bota
baino ez da egin behar eta burbuilak ateratzekotan kontrol positiboa izango
litzateke. (24)
G)HELBURUA
Lan honek zenbait helburu ditu, baina, azken batean, guztiak batean zentra
genitzake. Aspaldi honetan, eta duela urte gutxi batzuetatik hona, telebistan
Bifidusak erremedio mirarigarritzat hartu dituzte, trantsitua hobetu eta
puztuta sentiaraztearen sentsazioa kentzea egiten dutelako. Iragarkiek beti
izan dute gezurra esaten dutelakoaren fama. Eta, normala denez, jogurt hauek
dituzten efektuak ere askotan jarri dira zalantzan eta izan dira aztertuak.
Zenbait esperimentu egin dira kontrakoa frogatzeko, horien artean Nathan P.
McNulty ikerlariarena. (14)
Nathan P. McNulty ikerlariak eta bere taldeak Washingtoneko Unibertsitatean
egindako ikerketaren ondoren “Science Translational Medicine” aldizkarian
baieztatzen du Jogurt probiotikoen ingestioak ez duela inolako eraginik
hesteetako floran, hau da, ez duela iragarkiak dioena betetzen. Beraiek
esperimentua genetikoki manipulatutako saguetan eta biki batzuetan eraman zuten
aurrera. Lau astetan zehar hartu zuten guztiek lactobacillus mota desberdinak
eta flora mikrobiarra esperimentua baino lehenago, egiten zen bitartean eta
beranduago aztertu ostean ez zuten inolako espezie aldaketarik topatu ezta
mikroorganismoen aldaketa genetikorik ere. Hala ere, arratoietan esnekiek
erreakzio metabolikoetan parte hartzen duten entzima batzuetan zeukan eragina,
batez ere karbohidratoekin lotutakoekin. (14, 15, 16)
Horietako produktu bat “Activia” markako jogurtak dira.
Activia Danonek produzitutako jogurt probiotikoa da, 30 herrialde baino
gehiagotan saltzen dena, zenbait zapore eta ehundura (erdi-solidoa edo likidoa)
desberdinetakoa. Activiak Bifidobacterium animalis bakterio probiotikoa, B2
bitamina eta B12 bitamina ditu, kaltzioaz gain.
Aurretik azaldu dudan guztiagatik 2008an auzitara eraman zuten konpainia
esanez iragarkietan ziurtatzen zuena benetan egia ez zela. Beraiek,
erantzunetan publikoki argitaratu zuten produktuak izandako azterketa
desberdinak. (17)
Eta, hori izango da lan honen helburua, hain zuzen, Bifidus horiek benetan
horrenbesteko onurak dakartzaten edo ez frogatzea. Ea benetan hain
mirarigarriak diren edota jogurt arrunt batek dituen bakterioek efektu bera
duten.
Horretarako, pertsonetan egingo ditugu froga batzuk. Hamabost egunetan
zehar hiru jogurt mota hartuko dituzte bai emakume zein gizonek. Zehatzagoak
izateko, 14 emakume eta 6 gizonek, bifidusa daramaten produktuak bereziki
emakumeen kontsumiziorako baitaude zuzenduta. Gainera, zenbait esperimenturen
bidez ere gauza berdina frogatuko dugu. Alde batetik, esnearen, jogurt
arruntaren eta Activia jogurtaren bakterioak haziko ditugu MRS hazkuntza
ingurunean ; eta, bestetik, gernu eta ur zikinaren bakterioak haziko ditugu
McConkey hazkuntza ingurunean. Agar nutritiboa konparaketa moduan erabiliko
dugu. Azkenik, bi motatako bakterioak kokultiboan jarriz ikusiko dugu benetan
batak bestea deuseztatzen duen, esaten den bezala, edo ez.
iruzkinik ez:
Argitaratu iruzkina